مامۆستا کامەران رحمةاللە
باسی مەرجەکانی قوربانی
بۆ بەبیرهێنانەوە

دروستە بەڕۆژووبوون لە ڕۆژی عەرەفە ئەگەر بڪەوێتە ڕۆژێڪی هەینی، تەنانەت بەبێ ڕۆژووبوونی  ڕۆژی پێشەوەش

اللجنة الدائمة : (10/ 395)

12 - ئایا دروستە تەنها ڕۆژی شەممە بەڕۆژوو بێت، ئەگەر بڪەوێتە ڕۆژی عەرەفاتەوە؟

فەرموویان لێژنەی فتوای بەردەوام :

دروستە بەڕۆژووبوون لە ڕۆژی عەرەفە بە شێوەیەڪی سەربەخۆ، جا بڪەوێتە ڕۆژی شەممە یان ڕۆژێڪی تری هەفتە، چونڪە هیچ جیاوازییەڪ لە نێوانیاندا نییە. چونڪە بەڕۆژووبوون لە ڕۆژی عەرەفە سوننەتێڪی سەربەخۆیە، وە فەرموودەی قەدەغەڪردنی شەممە لاوازە بەهۆی تێڪەڵاوبوون و پێچەوانەیە لەگەڵ فەرموودە صحیحەڪان.

اللجنة الدائمة : (10/ 396)

مەرجەکانی قوربانی چین؟
دەقی وەڵام:
وەڵام: زانایان دەڵێن مەرجەکانی دروستی قوربانی ئەمانەن:

١ـ دەبێت (بهيمة الأنعام) بێت، واتە: وشتر و مانگا و مەڕ و بزن دەگرێتەوە، کە هەموو زانایان یەک دەنگن لەسەر ئەمە. (المجموع) (8/393)، (التمهيد) (23/188).

٢ـ دەبێت گەیشتبێتە ئەو تەمەنەی شەرع دیاریکردووە، کە وشتر دەبێ پێنج ساڵی تەواو کردبێت و مانگاش دوو ساڵی تەواو کردبێت و کاوڕ شەش مانگی تەواو کردبێت و بزانیش ساڵێک لەسەر وتەی ڕاستی زانایان، کە هەموو زانایان یەک دەنگن تەمەن مەرجە بۆ دروستی قوربانی. (التمهيد) (23/188)، (أضواء البيان) (5/209)،

٣ـ دەبێت ئاژەڵ سەلامەت بێت لەو عەیبانەی بە قوربانی ناچن، ئەویش ئەم چوار عەیبانەن:

ـ کوێرێکی دیار و ڕوون و ئاشکرا، جا یەک چاو بێت یان هەردووکی، ئەگەر کوێریەکەی کەم بێت هیچی تێدانییە.

ـ نەخۆشیەکی دیار و ڕوون و ئاشکرا بەجۆرێک کاریگەری لەسەر لاشەی ئاژەڵ کردووە.

ـ شەلینێکی دیار و ڕوون و ئاشکرا، جا دەستی بێ یان قاچی بەجۆرێک کاریگەری هەیە لەسەر لەوەڕینی ئاژەڵەکە و لاوازی دەکات.

ـ لاوازێک بەجۆرێک ناتوانێت لەسەر قاچ بوەستێت.

ئەم چوار عەیبانە هەموو زانایان یەک دەنگن مەرجن بۆ دروستی قوربانی. (المجموع) (8/404)، (المغني) (9/441)، (بداية المجتهد) (1/430).

٤ـ دەبێت لەو کاتەدا قوربانی بکرێت کە شەریع دیاریکردووە، کاتەکەی دوای نوێژی جەژنی قوربان دەست پێ دەکات و بە خۆر ئاوابوونی ڕۆژی سێیەمی (أيام التشريق) کۆتایی دێت.

٥ـ دەبێت نییەتی قوربانی کردنی هەبێت، نییەت مەرج بۆ دروستی قوربانی، کە ئەمە وتەی هەر چوار مەزهەبەکانە. (الإنصاف) للمرداوي (4/61)، (المجموع) للنووي (8/405)، (روضة الطالبين) للنووي (3/200).